In ons matriekjaar het ons mekaar ontdek. Na ure se selfoon oproepe en ‘n paar komiese danssessies by Daniel Pienaar se sokkies, het ons met ander oë na mekaar begin kyk. Dit was ‘n stryd en ‘n lang geveg, maar Patrick het na maande die hoë mure om Zielke se hart stukkie vir stukkie begin afbreek. Die onverwagse vriendskap het verander in onvoorwaardelike liefde. Na vele avonture, baie lag, wynproe sessies en die kyk van ‘n paar passievolle sokker wedstyde, het Patrick besef dat hy sy vir ewig gevind het. By ‘n piekniek langs die Oranjerivier het Zielke die vinnigste en grootse “ja” van haar lewe geuiter. Na ses jaar van ry om te kuier tussen Despatch, Jefferysbaai, Addo en De Aar kan ons uiteindelik voor die kansel trou aan mekaar beloof en ons pad as man en vrou saam begin stap. Ons sien met soveel opwinding uit om ‘n tuiste te skep met warmte waar ons Hemelse Vader oor ons lewe die wag sal hou.